Cahid Bağçıdan Polad Həşimovla bağlı paylaşım
14.07.2022
Türkiyənin Azərbaycandakı səfiri Cahid Bağçı Azərbaycanın Milli Qəhrəmanı, Azərbaycan Silahlı Qüvvələrinin general-mayoru, Azərbaycan Silahlı Qüvvələrinin 3-cü Ordu Korpusunun komandir müavini — Qərargah rəisi Polad Həşimovun xatirəsini yad edib.
Bu barədə o, "Twitter” hesabında paylaşıb:
"Şəhidliyi ilə Qarabağ Zəfərinin ocağını alovlandıran qəhrəman komandir, general Polad Həşimovu şəhidliyinin 2-ci ilində rəhmətlə yad edirik. Səmayə anaya, qardaşına, bacısına, yoldaşına, övladlarına, silahdaşlarına, qəhrəman Azərbaycan ordusuna və xalqına başsağlığı veririk”.
