Macarıstan Rusiyadan imtina edə bilmir
06.07.2022
Macarıstan yaxın bir neçə ildə Rusiya neft və qazını əvəz edəcək ölkə tapa bilməyəcək.
"DM" xəbər verir ki, bunu Macarıstanın XİN rəhbəri Peter Siyarto deyib.
"Məsələ ondadır ki, biz Rusiya qazı və neftinə əvəzləyici tapa bilərikmi? İndi cavabımız - yox. İstəmədiyimizə görə yox, bu, fiziki cəhətdən mümkün deyil", - deyə o bildirib.
Nazir qeyd edib ki, buna görə Macarıstan AB-nin neft embarqosundan kənarda qalmağı xahiş edib:
"Enerji təchizatı fəlsəfi deyil, fiziki məsələdir. Niyə biz neft embarqosundan azad olunmasını istədik? Çünki bu embarqo olsa, ölkə fiziki olaraq yox olacaq”.
