Komitə sədri: Dünyanın ən böyük dərdi VƏRƏMDİR
25.09.2018
Milli Məclisin Səhiyyə komitəsinin sədri Əhliman Əmiraslanov bildirib ki, bu gün Azərbaycanda müalicəsi mümkün olmayan bir xəstəlik, patologiya yoxdur.
O qeyd edib ki, bu gün insanların arasında düzgün təbliğat getmir."Azərbaycanda olan bütün texniki imkanlar şərait yaradır ki, bütün xəstəlikləri müalicə edək. İnsanlar arasında da düzgün təbliğat aparılmır. Bəziləri gəlib deyir ki, filan yerdə belə bir dərman var, sənin xəstəliyini sağalda bilər. Bu, tamamilə yalandır. Xəstələri düzgün istiqamətləndirmək lazımdır. Əvvəllər texnologiyalardan, avadanlıqlardan geri qalırdıq, ancaq bu gün tibb müəssisələrimiz bütün müasir texnologiyalar ilə təmin olunub. Elə xəstəliklər var ki, tibb elmi onun qarşısında acizdir. Belə xəstələrdən isə istifadə etmək vicdansızlıqdır”.
Ə.Əmiraslanov onu da nəzərə çatdırıb ki, bu gün vərəm problemi dünyanı ən çox narahat edən problemdir və böyük insan tələbatına səbəb olur."Bu məsələyə mühüm önəm veririk və gələcəkdə də onu diqqətdə saxlayacağıq. Bizi daim narahat edən bir məsələ insan orqan və toxumalarının transplantasiyasıdır”.
