İranın müdafiə naziri: "Əhvazdakı terror siyasi kursumuzu dəyişdirə bilməz"
24.09.2018
"Əhvazda baş vermiş terror aktı İranıın siyasi kursunu dəyişdirə bilməz".
"Dövran Media" Trend-ə istinadən xəbər verir ki, bu fikiri İranın müdafiə naziri Əmir Hatəmi səsləndirib.
Nazir bildirib: "Bu axmaq və insanlığa sığmayan addım Tehranı siyasi kursundan döndərə bilməz".
Ə.Hatəmi əlavə edib ki, terrorçuları İran tərəfindən amansız intiqam gözləyir.
Qeyd edək ki, sentyabrın 22-də İranın Əhvaz şəhərində hərbi parad zamanı terror aktı baş verib. Hadisə zamanı 29 nəfər ölüb, 70-ə yaxın nəfər yaralanıb.
