Səfər Mehdiyev Qaxda sakinlərlə görüşəcək
24.05.2022
Dövlət Gömrük Komitəsinin sədri Səfər Mehdiyev mayın 27-də, saat 11:00-da Qax rayon Heydər Əliyev Mərkəzində (Qax şəhəri, Nəriman Nərimanov küçəsi, 10 ünvanında) Qax və Şəki rayonlarından olan vətəndaşları qəbul edəcək.
Komitədən verilən məlumata görə, qəbulda iştirak etmək istəyən vətəndaşlar "195" Çağrı Mərkəzi ilə əlaqə saxlayaraq və yaxud Komitənin rəsmi internet səhifəsinin "Müraciətlər" və "Virtual qəbul" bölmələrindən daxil olmaqla qəbula yazıla bilərlər.
