Zelenski G7-nin iclasında iştirak edəcək
06.05.2022
Ukrayna Prezidenti Vladimir Zelenski Böyük Yeddilik (G7) ölkələrinin liderlərinin bazar günü keçiriləcək iclasında iştirak edəcək.
"DM"-nın BBC-yə istinadən xəbərinə görə, məlumatın Almaniya hökuməti yayıb.
Bildirilib ki, Zelenski G7 ölkələrinin liderlərinin iclasında videokonfrans formatında iştirak edəcək.
"8 may Avropada dəhşətə, dağıntılara və ölümə səbəb olan İkinci Dünya müharibəsinin Avropada başa çatdığı tarixi gündür”, -deyə Almaniya hökumətinin mətbuat katibi müntəzəm mətbuat konfransında bildirib.
Vurğulayıb ki, Ukraynadakı müharibə fonunda G7 ölkələrinin birliyi daha vacibdir.
Qeyd edək ki, bu il G7-yə sədrliyi Almaniya edir.
