Ərəblər saxlanıldı - Azərbaycanda
13.09.2018
Qanunsuz ov etməyə cəhd edən Səudiyyə Ərəbistanı Krallığının vətəndaşları cərimələnib.
Ekologiya və Təbii Sərvətlər Nazirliyindən verilən məlumata görə, Neftçala rayonunun Uzunbabalı kəndi ərazisində müvafiq icazə olmadan ova cəhd edən 3 nəfər saxlanılıb.
Araşdırma zamanı ova cəhd edənlərin Səudiyyə Ərəbistanı Krallığının vətəndaşları Abdulrahman Fahad A Almehemid, Nasser Saleh H Alnuuayser, Fahad Sulaiman İ Alhumaid olduğu məlum olub. Onlardan 3 ov tüfəngi, 50 patron götürülüb.
Təqsirkarların hər biri inzibati qaydada 2000 manat məbləğində cərimə olunub.
