Bakı-Şamaxı-Yevlax avtomobil yolunda hərəkət məhdudlaşdırılacaq
23.04.2022
Aprelin 24-ü saat 05:00-dan, 06:00-dək Bakı-Şamaxı-Yevlax avtomobil yolunun 14-cü kilometrində hərəkət məhdudlaşdırılacaq.
Azərbaycan Avtomobil Yolları Dövlət Agentliyindən verilən məlumata görə, sözügedən ərazidə yerüstü piyada keçidinin üst konstruksiyası quraşdırılıracaq.
Bununla əlaqədar sürücülərdən aparılan işlərə anlayışla yanaşmaları, göstərilən saatlarda sözügedən ərazidə diqqətli olmaları, yol hərəkəti qaydalarına və yol nişanlarının tələblərinə riayət etmələri xahiş olunur.
