Türk astronavtın kosmosa gedəcəyi tarix məlum olub
21.04.2022
İlk türk astronavtının təhsil müddəti 4-6 ay arasında olacaq. Seçim prosesinin 2-3 ay çəkəcəyini proqnozlaşdırırıq. İlin sonuna kimi astronavtımız hazır olacaq, gələn il kosmosa gedəcək.
"DM" xəbər verir ki, bu sözləri Türkiyənin Kosmik Agentliyinin prezidenti Sərdar Hüseyn Yıldırım deyib.
"Kosmosa göndərəcəyimiz astronavtımız elmi missiyaya gedir. İki nəfər seçiləcək. Seçilmiş iki şəxs gedib müvafiq qurumda təhsil alacaq. Bu təlimin sonunda ən uğurlu namizədimiz kosmik stansiyaya gedəcək", - Hüseyn Yıldırım bildirib.
