Erməni polkovnik: 15 dəqiqəyə aviasiyamızın 50%-ni itirdik - Video
21.04.2022
Mən 2020-ci ilin oktyabrın əvvələrində Qarabağda yerləşən hərbi bölmələrimizə baş çəkəndən, oradakı şərait ilə tanış olduqdan və hərbçilərimizlə söhbətləşəndə sonra çox vacib fikirə gəldim. Qarabağdan İrəvana döndükdən sonra mətbuata açıqlamamda bildirdim ki, biz müharibəni uduzacağıq, Qarabağ torpaqlarını Azərbaycan tam olaraq nəzarətinə götürəcək.
Bu fikirləri erməni polkovnik, Ermənistanın Veteranlar Komitəsinin sədri Qriqori Qriqoryan deyib.
"Biz müharibəyə, açıq hərbi toqquşmaya hazır deyildik. Ordunun başında hərbi işdən anlayışı olmayan adamlar oturmuşdu. Generallarımızdan başlayaraq, səngərdə duran sıravi əsgərə qədər psixoloji gərginlik içində idi. Siz təsəvvür edin ki, sentyabr ayının 27-də mənə xəbər çatır ki, Azərbaycan Ordusu 15 dəqiqə ərzində aviasiyamızın 50, artilleriyamızın 40%-ni məhv edib. Bu, bizim onurğa sütunumuzu qıran dəqiqələr oldu. Bakının məhz bu əməlliyatı müharibənin aqibətini 15 dəqiqə içində dəyişə bildi. Ordumuz geriyə çekilərək Fizuli istiqamətində dayandı”, - Qriqoryan bildirib.
Hadrut barədə danışan erməni polkovnik onu da bildirib ki, bu əraziləri muzdlu əsgərlərdən ibarət 450 hərbçi və bir qrup erməni qoruyurdu:
"Aydındır ki, pul müqabilində döyüşənlər üçün bu torpaqlardan qaçmaq daha asan olurdu. Bəs bu muzdlularda Ermənistan pasportu və erməni hərbi forması hardan idi? Bu sualı Araik Arutyunyana vermək lazımdır”.
