Rusiya Kiyevdə zavodu “Kalibr”lə vurub
15.04.2022
Rusiya gəmisi Kiyevin hərbi maşınqayırma zavoduna "Kalibr” raketləri ilə zərbə endirib.
Bunu Rusiya MN-nin sözçüsü, general-mayor İqor Konaşenkov deyib.
"Bu gecə yüksək dəqiqliyə malik, uzaqmənzilli "Kalibr” raketlərilə Kiyevin "Vizar” maşınqayırma zavoduna hücum edilib. Hücum nəticəsində uzaqmənzilli və ortamənzilli zenit-raket kompleksləri, eləcə də gəmi əleyhinə raketlər məhv edilib”, - o bildirib.
Konaşenkov vurğulayıb ki, Kiyevdəki hədəflərə raket zərbələrinin sayı və miqyası Ukraynanın Rusiya ərazisində terror xarakterli hər hansı hücum və ya təxribat törətməsinə cavab olaraq artırılacaq.
