Bakıda marşrut sürücüsü yol boyu siqaret çəkir - Video
13.04.2022
Bakının "Nərimanov” metrosundan "Gənclik” metrosu istiqamətinə doğru hərəkət edən 90 VX 916 dövlət nömrə nişanlı 67 nömrəli avtobusun sürücüsü sükan arxasında siqaret çəkib.
Bu barədə görüntüləri Axar.az-ın əməkdaşı bu gün səhər saat 08:42-də qeydə alıb.
Sürücünün pandemiya qaydalarını pozması və maska taxmaması da növbəti qayda pozuntusudur.
Qeyd edək ki, ictimai nəqliyyatda sərnişinlər bu kimi hallarla tez-tez rastlaşır. Sürücülər əsasən iradlara məhəl qoymadan vətəndaşlara kobud cavab verir.
Bakı Nəqliyyat Agentliyi isə bu istiqamətdə nəzarəti gücləndirmək əvəzinə sərnişinlərdən və mediadan yalnız "fakt” istəyir. "Fakt” - mütləq video və fotolu olmalıdır, çünki BNA avtobuslarında "kamera” yazılsa da, onun qeydlərinə baxmaq kimsənin ağlına gəlmir.
