Allahşükür Paşazadə Türkiyəyə gedir
12.04.2022
Qafqaz Müsəlmanları İdarəsinin (QMİ) sədri şeyxülislam Allahşükür Paşazadənin rəhbərlik etdiyi nümayəndə heyəti aprelin 13-16-da Türkiyə Respublikasında səfərdə olacaq.
QMİ-nin mətbuat xidmətindən bildiriblər ki, səfərin məqsədi aprelin-15-də İstanbulda Türk Dövlətləri Təşkilatına üzv ölkələrin Dini Liderlərinin Şurasının ilk – təsis toplantısını keçirməkdir. Türk Dövlətləri Təşkilatının Baş katibi Bağdad Amreyevin rəhbərliyi ilə keçiriləcək tədbirdə şeyxülislam Allahşükür Paşazadə Şuranın təqdimatı məruzəsi ilə çıxış edəcək.
Türkiyə Respublikasının Diyanət İşləri Başqanlığının dəvəti ilə həyata keçirilən səfər dövründə QMİ sədri Türkiyə Diyanət işləri başqanı Ali Erbaş və türk dövlətlərinin dini liderləri ilə məsləhətləşmələr aparacaq, Ayasofya məscidində Cümə, Əyyub Sultan məscidində Təravih namazlarında birgə iştirak edəcəklər.
