Rusiya XİN: “Delyaginin Azərbaycanla bağlı fikirləri yolverilməzdir”
29.03.2022
Rusiyanın Xarici İşlər Nazirliyi Dövlət Dumasının deputatı Mixail Delyaginin yerli televiziya kanallarından birində Azərbaycanla bağlı verdiyi səriştəsiz və cəfəng açıqlamalara münasibət bildirib.
"Deputat Delyaginin Azərbaycan və Qarabağla bağlı bəyanatları Moskvanın mövqeyi ilə uyğun gəlmir, bu cür bəyanatlar yolverilməzdir”, - deyə Rusiya XİN-dən vurğulanıb.
Xatırladaq ki, rusiyalı deputat Azərbaycanı "proksi-dövlət” adlandırmış və ölkəmizin neft sənayesini vurmağı təklif etmişdi.
Mənbə: RİA Novosti
