Torpaq sahələrinin qiymətində ötən illə müqayisədə bu il bahalaşma müşahidə edilir. Bəs görəsən ən baha və ən ucuz torpaq sahələri paytaxtın hansı hissəsində yerləşir?
"DM" xəbər verir ki, əmlak məsələləri üzrə ekspert Ramil Qasımzadə bahalaşmanın 15-20 faiz civarında olduğunu bildirib. Əsas səbəb ildən-ilə təlabatın çoxalması, torpaq sahələrinin isə azalmasıdır.
Suraxanı, Sabunçu və Qaradağ rayonları ərazisindəki torpaq sahələri daha ucuz qiymətə təklif edilir. Ən bahalı torpaq sahələri isə Nərimanov, Səbail və Nəsimi rayonlarının payına düşür.
Ekspert əlavə edib ki, yaxın aylar ərzində qiymətlərdə dəyişiklik gözlənilmir.
