Rusiya təyyarələrinin üçdə birini itirib - Denisenko
17.03.2022
Ukraynanın müdafiəçiləri hər gün bir neçə düşmən təyyarəsi vurur.
"DM" xəbər verir ki, bunu Ukrayna daxili işlər nazirinin müşaviri Vadim Denisenko deyib.
"Hesablamalarımıza görə, Rusiyanın təyyarələrinin üçdə birini vurmuşuq. Yəni Rusiya 21 gün ərzində təyyarələrinin üçdə birini itirib”, - Denisenko bildirib.
Onun sözlərinə görə, son günlər sağ ələ keçirilən pilotların sayı azalır. Bu da o deməkdir ki, uçuşdan qabaq onları katapult imkanlarından məhrum edirlər.
