Ərəbistanda bu hərəkət kibercinayətdir
06.09.2018
Səudiyyə Ərəbistanında tətbiq edilən yeni qanuna görə, sosial şəbəkə istifadəçiləri dini mövzuda satirik postlara görə həbsxanaya düşə bilərlər.
Bu məlumat krallıq prokurorluğunun "Twitter” səhifəsində yerləşdirilib.
Qeyd edilir ki, sosial şəbəkələr vasitəsilə dini dəyərləri lağa qoyan, ictimai asayişi və əxlaq normalarını pozan kontentlərin yaradılması və yayılması kibercinayət hesab ediləcək. Səudiyyə Ərəbistanının vəliəhd şahzadəsi Məhəmməd ibin Salman hökuməti tənqid edənlərə qarşı sərt mövqedədir.
Sosial şəbəkələrdə müvafiq kontentin yayılmasında və "ictimai asayişi pozmaqda” təqsirkar hesab edilən şəxslər beş ilədək azadlıqdan məhrum edilə bilərlər. Bundan başqa, onlar 3 milyon rial (təxminən 800 min dollar) məbləğində cərimə ödəməli olacaqlar.
