Rusların Sumdakı haubitsa divizionu məhv edildi
16.03.2022
Ukraynanın "Xolodnıy Yar” 93-cü Əlahiddə Mexanikləşdirilmiş Briqadasının döyüşçüləri Sum vilayətində rusların haubitsa divizionunu məhv ediblər.
"DM" xəbər verir ki, bu barədə Ukrayna Silahlı Qüvvələrinin Quru Qoşunları məlumat yayıb.
"Xolodnıy Yar” 93-cü Əlahiddə Mexanikləşdirilmiş Briqadasının döyüşçüləri düşmənin Sum vilayətinin Trostyansk şəhərindəki dəmiryol stansiyasında yerləşdirilmiş S219 Msta-S haubitsa divizionunu zərgər dəqiqliyi ilə darmadağın ediblər. Mülki infrastruktura ziyan vurmadan işğalçının texnikasını məhv etmək asan məsələ deyil. Döyüşçülərimiz isə bunu bacardılar. Nəticəni özünüz qiymətləndirin”, - məlumatda qeyd olunub.
