Qazaxıstan aviaşirkəti Rusiyaya uçuşları dayandırır
11.03.2022
Qazaxıstanın "Air Astana” aviaşirkəti Rusiyaya uçuşları dayandırır.
Bu barədə aviaşirkətin mətbuat xidməti məlumat yayıb.
"Air Astana” təəssüflə bildirir ki, Rusiya Federasiyasından və onun ərazisi üzərindən kommersiya uçuşları üçün sığorta təminatının dayandırılması ilə əlaqədar bu istiqamətdə bütün uçuşlar dayandırılacaq. Aviaşirkət uçuşların sürətlə bərpası üçün məsələni qısa zamanda Qazaxıstan hökuməti ilə həll edəcək”, - deyə aviaşirkətin məlumatında qeyd edilir.
Mənbə: TASS
