7 yeniyetmə yaralanıb
03.09.2018
ABŞ-ın Alabama ştatının Birminhem şəhərində naməlum şəxslər yeniyetmələrin şənlik keçirdiyi klubun yaxınlığında odlu silahdan atəş açıb. İnsident nəticəsində 7 yeniyetmə yaralanıb.
Bu barədə "Birmingham News” qəzeti məlumat yayıb. Nəşrin yazdığına görə, şəhər polisinin rəsmi nümayəndəsi Conni Uilyams atışmanın sentyabrın 2-də yerli vaxtla təxminən 22:00-da baş verdiyini deyib. Onun sözlərinə görə, yaralılardan birinin həyatı təhlükə altındadır.
Hadisəyə iki gənc arasında başlayan mübahisənin səbəb olduğu bildirilir. Polis bir neçə yeniyetməni ifadə verməyə çağırıb.
