Son aylar İran İslam Respublikasında müxtəlif təbəqələrdən olan vətəndaşların etiraz aksiyaları barədə məlumatların ardı-arası kəsilmir. Onlar öz sosial durumundan narazılıq edən tələblərlə mitinq, nümayiş və tətillər keçirirlər.
Görünən odur ki, İran hakimiyyəti özü də bu təhlükəli prosesin fərqindədir və yığılıb qalan narazılıqların bir gün daha güclü partlayışla nəticələnə biləcəyindən ehtiyatlanır.
Bir neçə gün əvvəl hələ ötən il Tehrandakı Evin həbsxanasının təhlükəsizlik kameralarını sındırması və məhbuslara qarşı qeyri-insani rəftarı əks etdirən video görüntüləri yayması ilə məşhurlaşan "Əli ədaləti” adlı hakerlər qrupunun üzə çıxardığı məxfi sənəd də bunu təsdiqləməkdədir.
Ətraflı "Azad İran” "Telegram” kanalının materialını təqdim edirik:
