Arvadını öldürdü, qonşusunu yaraladı
09.02.2022
Yevlax sakini həyat yoldaşını və qonşusunu güllələyib.
"DM" Trend-ə istinadən xəbər verir ki, bu barədə Yevlax rayon Prokurorluğundan məlumat verilib.
Məlumata görə, hadisə rayonun Hacışelli kəndində baş verib. Kənd sakini, 1975-ci il təvəllüdlü Mehdi Atakişi oğlu Qarayev həyat yoldaşı, 1977-ci il təvəllüdlü Elnarə Qafar qızı Qarayevanı ov tüfəngi ilə güllələyərək qətlə yetirib.
Mehdi Qarayev daha sonra qonşusu, 1959-cu il təvəllüdlü İldırım Zirəddin oğlu Qarayevə də atəş açaraq onu yaralayıb. Yaralı xəstəxanaya yerləşdirilib.
Hadisəni törədən M.Qarayev saxlanılıb.
Faktla bağlı Yevlax şəhər Prokurorluğunda cinayət işi açılıb.
