Azərbaycanlılar “əmlak kralları” adını qorudular
27.01.2022
2021-ci ildə Rusiya daşınmaz əmlak bazarının liderləri bir il əncəki geriləmədən sonra gəlirlərini artırıblar.
Bu barədə "Forbes” nəşri yazıb.
"Siyahıya Qod Nisanov və Zaxar İliyevə məxsus "Kiyevskaya ploşad” şirkətlər qrupu liderlik edir. Şirkətə "Yevropeyski” əyləncə-ticarət mərkəzi, "Fud Siti” bazarı daxildir. Şirkətin icarə gəliri 2021-ci ildə 1.67 milyard dollar təşkil edib”, - nəşr yazıb.
Reytinqdə ikinci yerdə Samvel Karapetyanın "Taşir” qrupu yer alıb. Bu şirkətin icarə gəliri 2021-ci ildə 615 milyon dollar təşkil edib.
"Taşir” tikinti, istehsal, maliyyə və enerji sektorları, pərakəndə satış və əyləncə sənayesi sahələrində 200-dən çox şirkəti özündə birləşdirir.
Üçüncü yerdə illik icarə gəliri 510 milyon dollar təşkil edən "Safmar” şirkətlər qrupudur. Bu qrup Mixail və Sait-Salam Quçeriyevlərə məxsusdur. Moskvadakı "Moscow Marriott Grand” oteli və "Kaleydoskop” ticarət mərkəzi bu şirkətə məxsusdur.
