“Omikron” və “Delta” ştammına eyni vaxtda yoluxma mümkündür?
21.12.2021
Koronavirusun "Omikron” və "Delta” ştammına eyni vaxtda yoluxma aktiv həyat tərzi və bölgədə iki ştammın əhəmiyyətli dərəcədə yayılması ilə mümkündür.
Bu barədə rusiyalı immunoloq, tibb elmləri namizədi Nikolay Kryuçkov məlumat verib.
Birincisi, COVID-19-un iki ştammından eyni vaxtda təsirlənmə riski, virusun hər iki ştammına malik ölkə sakinlərinin nisbəti təxminən eyni olduqda artır.
Mütəxəssis Böyük Britaniyanı misal çəkib, burada "Delta” və "Omikron” viruslarına yoluxma hallarının sayı təxminən hər 48 saatdan bir, iki dəfə artır.
Bundan əlavə, immunoloq xəbərdarlıq edir ki, çox sayda sosial təmas və aktiv həyat tərzi ilə eyni vaxtda iki COVID-19 ştammına yoluxma mümkündür.
"Görünür, infeksiya irəlilədikcə ona qarşı həssaslıq da dəyişir. Xəstəliyin törədicisi nüfuz etdikdən sonra bədən immunitet müdafiəsini işə salır. Və yalnız kifayət qədər qısa müddət ərzində, infeksiya güclənərkən və immunitet sistemi öz mexanizmlərini səfərbər edərkən, başqa bir oxşar virusa (virusun fərqli ştammına) yoluxmaq mümkündür”, - deyə immunoloq vurğulayıb.
Bununla belə, hazırda alimlər orqanizmin hansı müddətdə özünü koronavirusdan qoruya bilmədiyini müəyyən etməyib. Kryuçkovun sözlərinə görə, immunitet sistemi təxminən iki-üç gün ərzində zəifləyir.
Mənbə: Kp.ru
