Türk Şurası prezidentlər səviyyəsində yeni qərarlar qəbul edəcək
22.10.2021
"Türk Şurasının dövlət başçıları səviyyəsində keçiriləcək sammitində çox önəmli qərarların qəbul edilməsi gözlənilir”.
DM-in məlumatına əsasən, bunu Azərbaycan Prezidentinin köməkçisi Hikmət Hacıyev İstanbulda keçirilən Türk Şurası Media Forumunda deyib.
O bildirib ki, Türk Şurasına üzv dövlətlərin başçılarının imzası ilə qəbul olunacaq qərarlardan sonra qurum beynəlxalq münasibətlərdə daha da güclü mövqelərə sahib olacaq.
Hikmət Hacıyev qeyd edib ki, dünya ölkələri arasında Türk Şurası ilə əməkdaşlıq etmək istəyən dövlətlərin sayı artmaqdadır.
