Arvadını öldürən polisdən daha bir XƏBƏR
01.10.2021
Xidmətdə olarkən Nizami Rayon Polis İdarəsinin 24-cü Polis Şöbəsində şəxsi münasibətlər zəminində aralarında yaranan münaqişə zamanı xidməti silahdan atəş açaraq həyat yoldaşı Xanım Məmmədovanı qətlə yetirən Nizami Rayon Polis İdarəsinin (RPİ) Post Patrul Xidmətinin əməkdaşı, polis nəfəri İsmayıl Məmmədov daxili işlər orqanlarından xaric edilib.
DM xəbər verir ki, bununla bağlı daxili işlər naziri, general-polkovnik Vilayət Eyvazov ötən gün əmr imzalayıb.
Qeyd edək ki, hadisədən sonra İ.Məmmədov şübhəli şəxs qismində saxlanılıb. Faktla bağlı Cinayət Məcəlləsinin 120.2.4-cü maddəsi (xüsusi amansızlıqla və ya ümumi təhlükəli üsulla adam öldürmə) ilə cinayət işi başlanılıb, istintaq davam etdirilir.
