Gorus-Qafan yolunda İranın avtobusları da yoxlanılır
14.09.2021
"Gorus-Qafan yolunun Azərbaycan ərazisindən keçən hissəsində yerləşdirilmiş polis və sərhədçilər bu gündən etibarən İranın yük maşınları ilə yanaşı, həmin ölkədən gələn avtobusları da yoxlamağa başlayıblar”.
DM xəbər verir ki, bu barədə məlumatı Gorus merinin müavini Karo Koçaryan deyib.
Qeyd edək ki, Azərbaycanın Gorus-Qafan yolunun Qubadlının Eyvazlı kəndi yaxınlığından keçən hissəsində polis postu qoyulub. Burada İrandan Ermənistana, oradan isə Azərbaycanın Qubadlı rayonunun ərazisindən keçən yük maşınlarına nəzarət olunur.
