Pilotlar arasında eniş davası: "Çıxışda gözləyirəm"
08.08.2018
Türkiyənin Atatürk Hava limanında iki pilot arasındakı mübahisə dava ilə nəticələnib.
"Dövran Media" xəbər verir ki, buna səbəb təyyarələrdən birinin eniş zamanı qaydaları pozmasıdır.
Mübahisə Türk Hava Yollarına məxsus təyyarə eniş meydançasını tərk edərək parklama yerinə keçərkən yaşanıb. Onunla eyni vaxtda Atlas Hava Yollarına məxsus təyyarə enişi tamamladıqdan sonra sürətli şəkildə eniş meydançasını tərk edib. Bu zaman Atlas Globalın pilotu Türk Hava Yolları pilotuna dayanma xəttini keçdiyi ilə bağlı xəbərdarlıq edib. Tərəflər arasında mübahisə yaranır. Pilotlardan birinin "Çıxışda gözləyirəm" sözlərinə digər pilot "Görüşək, canım, görüşək"- deyə, cavab verib.
Rəsmilər hər iki pilotun davranışı və danışığı ilə bağlı araşdırma aparır.
