ABŞ Çinə qarşı bu ölkə ilə birləşir
29.06.2021
ABŞ Çinin etirazlarına baxmayaraq, Tayvanla bütün əməkdaşlıq sahələrində əlaqələrini gücləndirmək niyyətindədir.
DM xəbər verir ki, bunu Ağ Evin mətbuat katibi Cen Psaki deyib.
"ABŞ və Tayvan yaxın vaxtlarda ticarət və iqtisadi mövzularda danışıqlar aparmaq niyyətindədir. Bununla bağlı məsləhətləşmələr 30 iyunda keçiriləcək. Tayvana dəstəyimiz dəyişməzdir. İqtisadi məsələlər də daxil olmaqla bütün əməkdaşlıq sahələrində əlaqələrimizi gücləndirməyə davam edəcəyik. Çinin Tayvana təcavüzündən narahat olduğumuzu açıq şəkildə bildirdik.Bu mövzuda Pekinə ciddi narahatlığımızı bildirməyə davam edəcəyik", - deyə Ağ Ev sözçüsü əlavə edib.
