Ermənistanda parlament seçkiləri keçirilir
.jpg)
20.06.2021
Bu gün Ermənistanda növbədənkənar parlament seçkiləri keçirilir.
Hazırda bütün ölkə ərazisində seçki məntəqələrinin fəaliyyətinə start verilib.
12 saat ərzində seçicilər 21 siyasi partiya və 4 blok arasında seçim edəcək. Siyasi partiyalar üçün 5, bloklar üçün 7 faizlik baryer müəyyən edilib.
Səsvermədə iştirak edən hər bir seçiciyə 25 seçki bülleteni veriləcək. Kabinəyə daxil olan seçici onlardan yalnız birini seçəcək və hər hansı bir qeyd etmədən həmin bülleteni zərfə daxil edəcək. Seçkilər yerli vaxtla 20:00-da başa çatacaq.
Qeyd edək ki, seçkidə əsas rəqiblər baş nazir səlahiyyətlərini icra edən Nikol Paşinyan və Ermənistanın ikinci prezidenti Robert Koçaryandır.
