Vaqif Cavadov Avropa çempionatı tarixinə düşdü
03.06.2021
Beynəlxalq Futbol Tarixi və Statistikaları Federasiyası (İFFHS) Avropa çempionatlarında debüt edən ən gənc futbolçuların adlarını açıqlayıb.
"DM” xəbər verir ki, 11 nəfərlik siyahının 9-cu pilləsində Azərbaycan millisinin sabiq üzvü Vaqif Cavadov yer alıb.
Cavadov 2006-cı ildə AÇ-2008-in seçmə mərhələsinin Serbiya ilə səfər oyununda (0:1) meydana çıxıb. Keçmiş yarımmüdafiəçinin Avropa çempionatında debütü 17 yaş 100 günlüyündə olub.
Siyahının ilk pilləsində Norveç yığmasının üzvü Martin Odeqard yer alıb. 2014-cü ildə AÇ-2016-nın seçmə mərhələsinin "Bolqarıstan”la matçında (2:1) meydana çıxan Odeqard həmin vaxt 15 yaş 300 günlük idi.
