Bakıda daha bir avtobus kartla ödənişə keçir
26.05.2021
Bakıda daha bir avtobus BakıKart sisteminə keçir.
Bu barədə Bakı Nəqliyyat Agentliyindən bildiriblər. Qeyd olunub ki, mayın 27-dən 49 nömrəli marşrut xətti ("28 May” m/s (Səməd Vurğun bağı) – Sabunçu qəs.(Qəzənfər Musabəyov küç.)) üzrə hərəkət edən avtobuslarda da gediş haqqı "BakıKart” vasitəsilə ödəniləcək.
İş prosesinə uyğun olaraq digər marşrut xətləri də mərhələli şəkildə nağdsız ödəniş sisteminə inteqrasiya olunacaq. Bununla bağlı əvvəlcədən məlumat veriləcək.
