Bill Qeyts boşanır
04.05.2021
"Microsoft” şirkətinin sahibi Bill Qeyts və həyat yoldaşı Melinda Qeyts boşanmaq qərarına gəliblər.
DM xəbər verir ki, 27 ildir ailəli olan cütlük bu barədə Tvitter səhifələrində məlumat yayıb:
"Uzun müddət düşündükdən sonra nikahımızı bitirmək qərarına gəldik. Biz Fond üzərində birgə işləməyə davam edəcəyik. Lakin cütlük olaraq həyatımızın yeni mərhələsini birlikdə inkişaf etdirə bilməyəcəyik".
Qeyd edək ki, Bill və Melindanın bu nikahdan üç övladı var. Şirkət sahibinin sərvəti hazırda 130 milyard dollar təşkil edir. "Bill & Melinda Gates” Fondu isə 45 milyard dollar dəyərə malikdir.
