Tahir Budaqov Bahrom Əşrəfxanovla görüşüb
.jpg)
20.04.2021
Dövlət Statistika Komitəsinin sədri Tahir Budaqov Özbəkistanın ölkəmizdəki səfiri ilə görüşüb.
Azərbaycan Respublikası Dövlət Statistika Komitəsinin Mətbuat Xidmətindən verilən məlumata görə, aprelin 20-də Azərbaycan Respublikası Dövlət Statistika Komitəsinin sədri Tahir Budaqov Özbəkistan Respublikasının Azərbaycan Respublikasındakı fövqəladə və səlahiyyətli səfiri Bahrom Əşrəfxanovla görüşüb.
Azərbaycan-Özbəkistan münasibətlərinin inkişafında dövlət başçılarının rolunun xüsusi qeyd edildiyi görüşdə bütün istiqamətlərdə olduğu kimi, statistika sahəsində də əməkdaşlığın əhəmiyyəti vurğulanıb, qarşlıqlı əlaqələrin inkişaf perspektivləri barədə ətraflı fikir mübadiləsi aparılıb.
