Sabiq prezident vaksinə görə cəzalandırıldı
19.04.2021
Perunun sabiq prezidenti Martin Viskarraya 10 il ərzində dövlət vəzifələrini tutmaq qadağan edilib.
DM xarici KİV-ə istinadən xəbər verir ki, buna səbəb Viskarranın koronavirus peyvəndini növbədənkənar şəkildə tətbiq etməsi olub.
Qeyd edək ki, sabiq prezident Peruda VIP-vaksinlərlə bağlı qalmaqalın iştirakçılarından biridir. Sözügedən qalmaqal Perunun bir çox nazir və dövlət məmurunun "Sinofarm" (Sinopharm) vaksinini ölkə ictimaiyyətinə təqdim edilməzdən öncə tətbiq etmələri ilə bağlıdır.
