Hüseyin Büyükfırat keçmiş səfir Erkan Özorala MÜKAFAT VERDİ
13.04.2021
Türkiyə və Azərbaycan İş Adamları və Sənayeçilər İctimai Birliyinin sədri Hüseyin Büyükfırat və idarə heyətinin üzvləri Azərbaycandakı diplomatik fəaliyyəti başa çatmış Türkiyənin səfiri Erkan Özoralı ziyarət edib.
Hüseyin Büyükfırat iki qardaş ölkə arasında illərdir yorulmaz çalışmaları ilə Azərbaycan xalqının sevgisini qazanan Erkan Özorala dərin təşəkkürünü bildirərərək, onu Azərbaycan Respublikasının Qalib Ali Baş Komandanı Cənab İlham Əliyev tərəfindən - "Dostluq” ordeninə layiq görülməsi münasibətilə təbrik edib.
Daha sonra Hüseyin Büyükfırat ölkəmizdəki diplomatik fəaliyyəti dövründə 44 günlük Vətən Müharibəsi və müharibədən sonrakı dövrdə Şəhid və Qazi ailələrinə dəstək vermək üçün başladılan "Tək Millət, Tək Ürək" Humanitar Aksiyası ilə bağlı görülən işlərdə və iki qardaş ölkə arasındakı iqtisadi münasibətlərin inkişafına verdiyi töhvələrinə görə ictimai Birliyin adından Erkan Özorala Plaket təqdim edib.
