Nikol Qərargah rəisini istefaya göndərdi
25.02.2021
Ermənistanın Baş naziri Nikol Paşinyan Ermənistan silahlı qüvvələrinin Baş Qərargah rəisi Onik Qasparyanı vəzifəsindən azad edib.
DM xəbər verir ki, Paşinyan bu barədə Feysbuk səhifəsindəki canlı yayım zamanı deyib.
"Situasiya çox çətindir. Bilirsiniz ki, mən Baş Qərargah rəisi və onun birinci müavinini vəzifədən azad etmək haqqında qərar qəbul etmişəm. Bu qərarın səbəbini meydanda açıqlayacağam. İndi ən vacib hədəf mülki və xalq hakimiyyətini saxlamaqdır”, – deyə o bildirib.
Qeyd edək ki, Baş Qərargah az öncə Nikol Paşinyanı istefaya çağıran bəyanat yaymışdı.
