Rusiya və Gürcüstanı birləşdirən yol yenidən bağlandı
23.02.2021
Gürcüstan və Rusiyanı bağlayan Yuxarı Lars yolunda hərəkət tam məhdudlaşdırılıb.
DM Gürcüstan KİV-ə istinadən xəbər verir ki, yolda bütün növ nəqliyyat vasitələrinin və avtomobillərin hərəkəti yasaqlanıb. Bildirilib ki, qadağa müvəqqəti xarakter daşıyır və səbəb əlverişsiz hava şəraiti, qar uçqunu təhlükəsi və yolların buzlamasıdır. Hava şəraiti normallaşandan sonra hərəkət bərpa olunacaq.
Qeyd edək ki, tarixi Dəryal keçidindən keçən yol həmçinin Hərbi Gürcüstan yolu adlanır və Ermənistanla Rusiyanı da birləşdirir.
