Çavuşoğlunun Azərbaycana səfəri təxirə düşdü
18.02.2021
Türkiyə Xarici İşlər naziri Mövlud Çavuşoğlunun Azərbaycana səfəri təxirə salınıb.
Bununla bağlı "TRTHaber” diplomatik mənbələrə istinadən məlumat yayıb.
Qeyd edilib ki, Bakıda keçirilməli olan Azərbaycan, Türkiyə və Gürcüstan xarici işlər nazirlərinin doqquzuncu üçtərəfli görüşü başqa vaxt baş tutacaq.
Xatırladaq ki, bu gün Gürcüstanda Baş nazir Giorgi Qaxariyanın rəhbərlik etdiyi hökumət tam tərkibdə istefa verib.
Bu səbəbdən Gürcüstan XİN rəhbəri David Zalkalianinin Bakı səfəri təxirə salınıb.
