Misirlilərin birliyi qurulacaq
11.02.2021
Misir müxalifəti aralarında yeni bir birlik qurulduğunu elan edəcək.
DM ANADOLU AJANS-a istinadən xəbər verir ki, müxaliflər birliyinin qurulduğunu bu gün İstanbulda bir oteldə keçirəcəkləri bir yığıncaqda elan edəcəklər.
Xaricdə yaşayan Misirli müxaliflərin "Misir Milli Qüvvələri Birliyi" adı altında yeni bir rejim əleyhinə birlik qurduqları bildirildi.Misirin keçmiş prezidentliyə namizədlərindən Eymen Nur, xaricdən gələn bəzi müxaliflər, Müsəlman Qardaşlar Cəmiyyətinin təmsilçiləri, liberallar və bəzi müstəqil simalar yeni birliyin elan toplantısına qatılacaq.
Qeyd edək ki, təşkil ediləcək elan proqramında, birliyin işini tənzimləyən 20 maddənin əsas sənədinin dərc ediləcəyi qeyd edildi.
