Nömrənizin balansı ilə bu ödənişləri edə bilərsiniz
02.02.2021
Azərbaycanda artıq nömrənin balansında olan vəsaitlə kommunal və digər ödənişlərin edilməsi mümkündür.
DM xəbər verir ki, bu xidməti vətəndaşlara bir müddətdir, yalnız "Azercell” Telekom təqdim edib. Belə ki, "Azercell” nömrəsindən istifadə edən şəxslər telefonlarında "Azercell” tətbiqi yükləyərək, kommunal, internet, sığorta, ianə, əyləncə və digər ödənişləri nömrənin balansı vasitəsi ilə yerindəcə edə bilirlər. Bunun üçün isə sadəcə tətbiqi yükləyərək, qeydiyyatdan keçmək və "mobil ödəmələr” bölməsinə daxil olmaq lazımdır.
Digər mobil operatorlar, yəni "Bakcell” və "Nar”da isə hazırda belə bir xidmət mövcud deyil.
Qeyd edək ki, bir ay ərzində "Azercell” abunəçiləri ümumi həcmi 500 manatdan artıq olmayan kommunal və digər ödənişləri icra edə bilərlər.
