Lavrov koronavirus keçirib
18.01.2021
Rusiya Xarici İşlər naziri Sergey Lavrov yüngül formada koronavirus keçirib.
DM "Kommersant”a istinadən xəbər verir ki, bu barədə Rusiyanın xarici siyasət qurumununun rəhbəri özü bəyan edib.
Peyvənd vurdurmaq məsələsinə gəldikdə isə Lavrov gələcəkdə bunu istisna etmədiyini bildirib.
"Orqanizmimdə anticismlər var, çünki yüngül formada koronavirus keçirmişəm. İndi isə eşitmişəm ki, hətta bundan sağalanlar peyvənd vurdurmalıdır. Bu barədə dünən eşitdim, həkimlərlə məsləhətləşəcəyəm”, - deyə RF XİN rəhbəri vurğulayıb.
