Ukrayna prezidenti Ərdoğana təşəkkür etdi
08.01.2021
Ukrayna prezidenti Vladimir Zelenski Türkiyə Cümhuriyyətinin prezidenti Rəcəb Tayyib Ərdoğana təşəkkürlərini bildirib.
DM xəbər verir ki, Zelenski bu barədə öz "Twitter" səhifəsində paylaşım edib. Ukrayna prezidenti Liviyada girovluqda qalmış ukraynalı dənizçilərin Kiyevə qayıtmasını təşkil etdiyi üçün Ərdoğana minnətdarlığını bildirib.
"Kaptan Hayyam" gəmisinin ekipaj üzvləri olan ukraynalı dənizçilərin 5 illik girovluqdan sonra Ukraynaya qayıtmasından məmnunluq ifadə edilib. Bu işdə Türkiyə prezidenti Rəcəb Tayyib Ərdoğanın oynadığı vacib rol xüsusi vurğulanıb və yüksək qiymətləndirilib.
