Neft quyularının sayı artır
07.07.2018
ABŞ-dakı aktiv neft quyularının sayı yenidən artıb.
"Baker Hughes” şirkəti xəbər verir ki, ötən hesabat həftəsində ABŞ-dakı aktiv neft-qaz quyularının sayı 5 ədəd artaraq 1052 ədəd olub. Keçən ilin eyni dövrü ilə müqayisədə ölkədəki aktiv neft-qaz quyularının sayı 100 ədəd çoxdur.
Ötən həftə ABŞ-dakı aktiv neft quyularının sayı 5 ədəd artaraq 863 ədəd olub. Bu, ölkədəki neft quyularının sayının 2015-ci ilin aprelindən indiyədək maksimum səviyyəyə çatması deməkdir. Ötən ilin eyni dövrü ilə müqayisədə neft quyularının sayı 100 ədəd artıb.
Ölkədəki aktiv qaz quyularının sayı isə dəyişməyərək 187 ədəd olub. 2017-ci ilin müvafiq dövrünə nisbətən ölkədəki qaz quyularının sayı 2 ədəd azalıb.
Qeyd edək ki, ABŞ-da aktiv neft quyularının sayı 1981-ci ildə ölkə tarixində maksimuma, yəni 4 min 530-a çatmışdı. Neftin qiymətinin ucuzlaşması fonunda ölkədəki aktiv neft quyularının sayı 2016-cı ilin may ayında isə minimuma – 316-ya geriləmişdi.
