Ronaldo “Real”dan yorulub?
05.07.2018
İspaniyanın "Real” klubunun hücumçusu Kriştianu Ronaldonun meneceri Jorje Mendeş klub prezidenti Florentino Peres və baş direktor Xose Anxel Sançeslə görüşüb.
"Dövran Media" xəbər verir ki, onlar klubdakı vəziyyətindən narazı olan portuqaliyalı futbolçunun gələcəyinə dair müzakirələr aparıblar.
Ronaldo Mendeşə artıq yorulduğunu və klubla əlavə danışıqlara getmək istəmədiyini bildirib. 33 yaşlı ulduz 100 milyon avro sərbəst qalma məbləği qarşılığında Madrid klubunu tərk etməyə hazırdır.
Qeyd edək ki, daha öncə İtaliyanın "Yuventus” klubunun Kriştianu Ronaldoya illik 30 milyon avro məvacib təklif etməyə hazır olduğuna dair xəbərlər yayılmışdı. Həmçinin son məlumatlara görə, portuqaliyalı futbolçu artıq Turində ev axtarışlarına başlayıb.
