Fransa BMT TŞ qətnamələrinə səs verən ölkədir
13.11.2020
Dağlıq Qarabağ məsləsində Fransa heç vaxt mövqeyini dəyişməyib və həmişə beynalxalq hüququn tərəfində olub.
Bu fikirləri Gəncə şəhərinə səfəri çərçivəsində Fransa-Azərbaycan dostluq qrupunun vitse-prezidenti Jerom Lamber bildirib. Onun sözlərinə görə, ölkəsi hələ 90-cı illərdə belə Ermənistanın Azərbaycana qarşı aqressiyasını qınayıb və münaqişənin sülhlə həllinin tərəfdarı olub.
"Biz etiraf edirik ki, Fransada Ermənistanın çox güclü lobbisi var. Onlar siyasi prosseslərə, siyasi şəxslərə təsir etmək gücünə malikdir. Lakin Fransa Azərbaycan torpaqlarının işğal edilməsi faktını təsdiq edən BMT-nın qətnamələrini hər zaman dəstəkləyib və özü bu qətnamələrə səs verib. Bu gün Ermənistanın pis vəziyyətə düşməsi onların öz hakimiyyətinin yarıtmaz və səhvlərlə dolu siyasətinin nəticəsidir”, - deyə Jeraom Lamber bildirib.
