Hindistan Neft Nazirliyi neft ayırma ilə məşğul olan şirkətlərə müraciət edərək, İrandan neft idxalının kəskin şəkildə azaldılmasına hazırlaşmağı tapşırıb.
"Dövran Media" xəbər verir ki, bu barədə məlumatı "Əlcəzirə” televiziyası yayıb. Televiziya Hindistanın bununla ABŞ-ın İrana qarşı sanksiyalarını dəstəkləməyə hazırlaşdığını bildirib.
Qeyd edək ki, ABŞ Prezidenti Donald Tramp dünya ölkələrinə müraciət edərək, noyabr ayından etibarən İrandan neft idxalını dayandırmalarını istəyib. Bəzi ölkələr, xüsusilə Çin buna qarşı çıxıb.
