İctimai iaşə obyektlərində MANİTORİNQ
03.11.2020
26.10.2020-01.11.2020-ci il tarixlərində ölkə üzrə ictimai iaşə obyektlərində 3992 və mehmanxanalarda 419 monitorinq keçirilib. Keçirilmiş monitorinqlər zamanı ictimai iaşə obyektlərində 164 nöqsan, mehmanxanalarda isə 18 nöqsan aşkar olunub.
Bu barədə Turizm Agentliyi və Qida Təhlükəsizliyi Agentliyinin birgə məlumatında bildirilib.
Qeyd olunub ki, ictimai iaşə obyektlərində aşkar olunmuş nöqsanların 80 faizi işçilərin tibbi maskadan istifadəsinə nəzarət edilməsi, 14 faizi isə tibbi maskanın təmin edilməsi ilə bağlı tələbə riayət olunmamasının payına düşür.
Mehmanxanalarda aşkar olunmuş nöqsanların 50 faizi işçilərin iş prosesində xidmət sahəsinə uyğun olaraq qoruyucu vasitələrdən istifadə edilməsi (maska, üz sipəri, əlcək və s.), 33 faizi isə mehmanxanaların ictimai iaşə zonalarında Azərbaycan Respublikası Nazirlər Kabinetinin 2020-ci il 6 iyul tarixli 237 nömrəli Qərarı ilə təsdiq edilmiş ictimai iaşə müəssisələrinə müştəri qəbulu zamanı adambaşına müəyyən edilən sıxlıq normalarına riayət edilməsi, obyektlərinin qarşısında (girişində) həmin obyektlərin qida qəbulu yerlərinin ümumi sahəsi, oturacaq yerlərinin sayı, masalararası məsafə, adambaşına müəyyən edilən sıxlıq normalarının əks olunduğu xüsusi lövhələrin girişdə hər kəsin görə biləcəyi yerdə olması ilə bağlı tələbə riayət olunmamasının payına düşür.
