Qurban Məmmədovun "həbs oyunu" - HƏR ŞEY AYDIN OLDU
17.09.2020
Yayılan informasiyalara görə Azərbaycan xalqında üzr istəyirəm. Türkiyə dövlətindən, xalqından da üzr istəyirəm. Çünki sosial şəbəkələrdə Türkiyənin əleyhinə həm hakimiyyətin daxilində, həm də hakimiyyətdən kənarda olan qüvvələr təbliğat apardılar. Bu, çox təəssüfləndirici haldır.
Bu sözləri Müsavat TV-nin canlı efirində Türkiyədə həbs edilməsi barədə xəbərlər yayılan Qurban Məmmədov deyib.
Q.Məmmədov bu məlumatı məqsədli şəkildə yaydığını etiraf edib:
"Mən bu müddət ərzində Türkiyədə olmamışam. Azərbaycan hökuməti mənim barəmdə cinayət işi açıb və axtarışa verib. Mən də öz təhlükəsizliyimi daha da artırmalıyam. Mənim başqa bir yerdə müəyyən yoldaşlarla görüşüm var idi. Ona görə də diqqət yayındırmaq üçün bu aksiya planlaşdırıldı. İnterpol məni axtardığı halda başqa ölkəyə gedəsi deyiləm. Buna görə də yayılan məlumata görə təkrar Türkiyə dövlətindən üzr istəyirəm. Hər kəs bilməlidir ki, Türkiyə hüquqi dövlətdir, qanunların şah olduğu müqəddəs bir məmləkətdir”.
Qeyd edək ki, Qurban Məmmədovun Türkiyədə saxlanılması xəbərini oğlu Qoşqar Məmmədov sosial şəbəkə vasitəsilə yayıb. Bir qədər sonra isə Qoşqar Məmmədov təkrar status yazaraq, öz xəbərini təkzib edib.
