Şimşək: “Türkiyədə fövqəladə vəziyyət ləğv ediləcək”
22.06.2018
Türkiyədə fövqəladə vəziyyət rejiminə ehtiyac qalmayıb. Bunu Türkiyə Baş nazirinin müavini Mehmet Şimşək deyib.
O bildirib ki, Türkiyədə iyunun 24-də keçiriləcək seçkilərdən sonra ilk növbədə fövqəladə vəziyyət rejiminin ləğv ediləcəyi gözlənilir.
M.Şimşək qeyd edib ki, ölkədə fövqəladə vəziyyət terror təşkilatları ilə mübarizə çərçivəsində qəbul edilib.
Xatırladaq ki, cari ilin yanvarında Türkiyədə fövqəladə vəziyyət rejiminin müddəti altıncı dəfə uzadılmışdı.
